Iseng Aja · Nimbrung Mikir · Nyam...nyam...sedaaap...

Nasi Lengko, Siaran Basa Tegal (4)

Kanca-Kanca, keprimen kabare? Wis suwe nemen ya nyong ora siaran basa Tegal. Sing mbiyen kae crita tahu pletok, pilus, karo latopia kayong wis suweeee nemen. Ya wis saiki nyong pan crita panganan Tegal sing liyane. Nasi Lengko. Nang Cirebon ana juga sih, mbuh sing bener asline seka ngendi. Tapi kaya biasa, dolanan pantun ndisit yak 😀

Tanggal tua ora lunga-lunga
Nang omah bae jare si Choco
Tapi aja sedih aja berduka
Yuuk mariii mangan nasi lengko

Hahahaha…. saiki nyong pan crita soal nasi lengko. Pas Mbakayune nyong sing lagi tugas nang Tegal kirim foto nasi lengko, nyong kok dadi kepingin. Tapi kan ora mungkin nggawa seka Tegal. Tapi emang Mbakayune nyong sing ayu dewek kuwe baik hati, pas balik nyong dioleh-olehi bumbune nasi lengko. Lah trus keprimen? Ya ora papa, segane ngliwet dewek, aksesorise ya nggawe dewek laah. Sing penting kan bumbune, soale sing angel kan nggawe bumbune kuwe.

Nasi lengko kuwe isine sega, toge, timun diiris cilik-cilik, tahu goreng diiris kotak-kotak trus karo krupuk. Ditata rapi nang piring trus diguyur nganggo bumbune. Bumbune kuwe nek ora salah nganggo bumbu kacang tapi ana taucone juga. Enak, deh!

Lha kiye penampakane…

Lanjutkan membaca “Nasi Lengko, Siaran Basa Tegal (4)”